SS Rajamouli on Dhurandhar 2 : బాక్సాఫీస్ వద్ద ‘ధురంధర్ 2’ ప్రభంజనం సృష్టిస్తోంది. ఉగాది కానుకగా విడుదలైన ఈ చిత్రం రికార్డు వసూళ్లతో దూసుకుపోతుండటంతో టాలీవుడ్ నుంచి బాలీవుడ్ వరకు సినీ ప్రముఖులు ప్రశంసలు కురిపిస్తున్నారు. తాజాగా ఈ జాబితాలోకి దర్శక దిగ్గజం ఎస్ఎస్ రాజమౌళి చేరారు. సోషల్ మీడియా వేదికగా ఆయన ఈ సినిమాపై తన అభిప్రాయాన్ని పంచుకుంటూ చిత్ర బృందాన్ని ఆకాశానికెత్తేశారు.
నాలుగు గంటల మ్యాజిక్ : “ఆదిత్య ధర్ తెరపై ఒక అద్భుతమైన సినిమాటిక్ ఎక్స్పీరియన్స్ను ఆవిష్కరించారు. నాలుగు గంటల నిడివి ఉన్నా, చివరి ఫ్రేమ్ వరకు ప్రేక్షకులు సీటు వదలకుండా చేయాలంటే గట్స్ ఉండాలి” అని రాజమౌళి కొనియాడారు.
రణ్వీర్ సింగ్ విశ్వరూపం : సినిమాలో రణ్వీర్ సింగ్ నటనను రాజమౌళి ప్రత్యేకంగా ప్రస్తావించారు. జస్కిరాత్ సింగ్, హమ్జా అలీ మజారీ అనే రెండు విభిన్న పాత్రల్లో రణ్వీర్ ఒదిగిపోయిన తీరు అద్భుతమని, ముఖ్యంగా తన సోదరితో షెడ్డులో సాగే సన్నివేశం ‘నటనలో మాస్టర్క్లాస్’ అని ప్రశంసించారు.
ఎమోషనల్ కనెక్ట్ : మొదటి భాగం కన్నా ‘ధురంధర్ 2’లో ఎమోషన్స్ ఏమాత్రం తగ్గలేదని, దేశ నిస్సహాయతను మాధవన్ తన నటనతో అద్భుతంగా పండించారని పేర్కొన్నారు.
ట్రెండింగ్లో ‘ధురంధర్ 2’
ఈ సినిమా విజయంపై ఇప్పటికే ఎన్టీఆర్, రామ్ చరణ్, మహేష్ బాబు మరియు విజయ్ దేవరకొండ వంటి స్టార్ హీరోలు స్పందించారు. రాజమౌళి వంటి గ్లోబల్ డైరెక్టర్ నుంచి ప్రశంసలు దక్కడంతో సినిమా రేంజ్ మరోస్థాయికి చేరుకుంది. టెక్నికల్ వాల్యూస్, మ్యూజిక్, డైరెక్షన్ ఇలా ప్రతి విషయంలోనూ ‘ధురంధర్ 2’ ఒక పర్ఫెక్ట్ సీక్వెల్ అని విమర్శకులు సైతం అభిప్రాయపడుతున్నారు.
JOIN FOR REGULAR UPDATES
