TS Inter Results 2026 Direct Link : ఇంటర్ ఫలితాల డైరెక్ట్ లింక్ ఇదే.. ఒక్క క్లిక్‌తో మార్క్స్ చెక్ చేసుకోండి!

TS Inter Results 2026 Direct Link : తెలంగాణ ఇంటర్మీడియట్ విద్యార్థుల సుదీర్ఘ నిరీక్షణకు తెరపడింది. 2026 సంవత్సరానికి గాను ఇంటర్ ఫస్ట్ ఇయర్ మరియు సెకండ్ ఇయర్ పబ్లిక్ పరీక్షల ఫలితాలను రాష్ట్ర ఇంటర్ బోర్డు నేడు (ఏప్రిల్ 12) విడుదల చేసింది. ఉదయం 11 గంటలకు హైదరాబాద్‌లోని ఇంటర్ బోర్డు కార్యాలయంలో విద్యాశాఖ కార్యదర్శి యోగితా రాణా, ప్రభుత్వ సలహాదారు కె. కేశవరావు కలిసి ఈ ఫలితాలను అధికారికంగా వెల్లడించారు.

ఫలితాల్లో అమ్మాయిలదే హవా : ఈ ఏడాది కూడా ఫలితాల్లో అమ్మాయిలే పైచేయి సాధించారు. ఫస్ట్ ఇయర్ మరియు సెకండ్ ఇయర్ రెండు విభాగాల్లోనూ అమ్మాయిలు అత్యధిక ఉత్తీర్ణత శాతాన్ని నమోదు చేశారు. రాష్ట్రవ్యాప్తంగా దాదాపు అన్ని జిల్లాల్లో ఇదే ట్రెండ్ కొనసాగడం విశేషం.

ముఖ్యమైన గణాంకాలు :

1. మొత్తం విద్యార్థులు : 9,97,075 మంది
2. ఫస్ట్ ఇయర్ విద్యార్థులు : 4,89,126 మంది
3. సెకండ్ ఇయర్ విద్యార్థులు : 5,07,949 మంది
4. పరీక్షలు జరిగిన తేదీలు : ఫిబ్రవరి 25 నుంచి మార్చి 18 వరకు.

రిజల్ట్స్ మరియు మార్క్స్ షీట్ డౌన్‌లోడ్ చేసుకోవడం ఎలా?

1. విద్యార్థులు తమ హాల్ టికెట్ నంబర్ ఉపయోగించి సులభంగా మార్కుల వివరాలను తెలుసుకోవచ్చు.
2. మొదట ఇంటర్ బోర్డు అధికారిక వెబ్‌సైట్ లేదా టీవీ9 తెలుగు వెబ్‌సైట్‌ను సందర్శించండి.
3. హోమ్ పేజీలో కనిపించే ‘TS Inter Results 2026’ లింక్‌పై క్లిక్ చేయండి.
4. మీ ఇయర్ (1st Year/2nd Year) మరియు కేటగిరీ (General/Vocational) ఎంచుకోండి.
5. మీ Hall Ticket Number నమోదు చేసి ‘Submit’ బటన్ నొక్కండి.
6. మీ మార్కుల జాబితా స్క్రీన్‌పై కనిపిస్తుంది. భవిష్యత్తు అవసరాల కోసం దానిని ప్రింట్ లేదా డౌన్‌లోడ్ చేసుకోండి.

అధికారిక లింకులు :

tsbie.cgg.gov.in

results.cgg.gov.in

సప్లిమెంటరీ పరీక్షల అప్‌డేట్ : పరీక్షల్లో ఉత్తీర్ణత సాధించని విద్యార్థులు ఆందోళన చెందాల్సిన అవసరం లేదు. మే నెలాఖరు నాటికి సప్లిమెంటరీ పరీక్షలు నిర్వహించి, జూన్ లోపు ఫలితాలను వెల్లడించాలని ఇంటర్ బోర్డు లక్ష్యంగా పెట్టుకుంది. దీనికి సంబంధించిన షెడ్యూల్ త్వరలోనే విడుదల కానుంది.