TS Inter Results 2026 : తెలంగాణ రాష్ట్రంలో ఇంటర్మీడియట్ విద్యార్థుల నిరీక్షణకు తెరపడనుంది. 2025-26 విద్యా సంవత్సరానికి సంబంధించిన ఇంటర్ ప్రథమ, ద్వితీయ సంవత్సర ఫలితాలను (TS Inter 1st & 2nd Year Results) రేపు (ఆదివారం) విడుదల చేయనున్నట్లు తెలంగాణ ఇంటర్మీడియట్ బోర్డు (TGBIE) అధికారికంగా ప్రకటించింది.
9.5 లక్షల మంది విద్యార్థుల భవితవ్యం : ఈ ఏడాది ఫిబ్రవరి 25 నుంచి మార్చి 18 వరకు జరిగిన ఇంటర్ పరీక్షలకు రాష్ట్రవ్యాప్తంగా దాదాపు 9.5 లక్షల మందికి పైగా విద్యార్థులు హాజరయ్యారు. పరీక్షలు ముగిసిన తక్కువ కాలంలోనే మూల్యాంకన ప్రక్రియను పూర్తి చేసిన బోర్డు, ఫలితాల విడుదలకు అన్ని ఏర్పాట్లు సిద్ధం చేసింది.
ఫలితాలను వెబ్సైట్లో ఇలా చెక్ చేసుకోండి :
- మొదట https://tgbie.cgg.gov.in/ వెబ్సైట్ను సందర్శించండి.
- హోమ్ పేజీలో ‘Inter Results 2026’ లింక్పై క్లిక్ చేయండి.
- మీ రోల్ నంబర్ (Roll Number) మరియు పుట్టిన తేదీ వివరాలను ఎంటర్ చేయండి.
- ‘Get Result’ బటన్ నొక్కగానే మీ మార్కుల జాబితా స్క్రీన్పై కనిపిస్తుంది.
- భవిష్యత్తు అవసరాల కోసం రిజల్ట్ కాపీని ప్రింట్ లేదా డౌన్లోడ్ చేసుకోండి.
మీ వాట్సప్లోనే రిజల్ట్స్.. కొత్త సదుపాయం ఇదే : విద్యార్థుల సౌకర్యార్థం ఈసారి తెలంగాణ ప్రభుత్వం ఒక అద్భుతమైన సదుపాయాన్ని అందుబాటులోకి తెచ్చింది. మీ సేవా కేంద్రాల చుట్టూ తిరగాల్సిన అవసరం లేకుండా, ట్రాఫిక్ వల్ల వెబ్సైట్ ఓపెన్ కాకపోయినా నేరుగా మీ వాట్సప్ (WhatsApp) ద్వారా ఫలితాలను పొందవచ్చు.
వాట్సప్లో రిజల్ట్ పొందే విధానం :
- మీ స్మార్ట్ఫోన్లో 80969 58096 నంబర్ను సేవ్ చేసుకోండి.
- వాట్సప్ ఓపెన్ చేసి ఆ నంబర్కు ‘Hi’ అని మెసేజ్ పంపండి.
- అక్కడ వచ్చే ఆప్షన్లలో ‘BIE Exam Result’ అని టైప్ చేయండి.
- తదుపరి సూచనలను అనుసరించి మీ రోల్ నంబర్ ఇస్తే, మీ రిజల్ట్ వెంటనే మెసేజ్ రూపంలో వస్తుంది.
విద్యార్థులకు సూచన : ఫలితాల విడుదల సమయంలో వెబ్సైట్పై ఒత్తిడి ఎక్కువగా ఉంటుంది కాబట్టి, విద్యార్థులు కంగారు పడకుండా వాట్సప్ సదుపాయాన్ని లేదా అధికారిక వెబ్సైట్ను ఉపయోగించుకోవాలని అధికారులు సూచించారు. ఉత్తీర్ణులైన విద్యార్థులకు ఇంటర్ బోర్డు ముందస్తు శుభాకాంక్షలు తెలిపింది.
JOIN FOR REGULAR UPDATES
